0

"Vináttuþjálfun fyrir 7-9 ára" hefur verið sett í körfuna þína.

Skoða körfu

Vináttuþjálfun fyrir 7-9 ára

Markmið:
Að efla börn til að takast á við þær félagslegu aðstæður sem upp koma í þeirra lífi.

Áskoranir:
Börn í dag eru að takast á við ýmsar áskoranir í samskiptum, félagsfærni og vináttu. Hægt er að undirbúa börn undir þessar og fleiri áskoranir.

Forsendur:
Til þess að geta tekist á við daglegt líf er mjög mikilvægt að hafa góða samskipta-, félags- og vináttufærni en þessir þættir skipta sköpum þegar kemur að líðan og heilsu barna. Að lenda í vandræðum í jafningjasamskiptum getur haft í för með sér víðtækar og langvarandi neikvæðar afleiðingar. Því er mikilvægt fyrir öll börn að fá fræðslu og þjálfun í þessum færniþáttum. Leiðtogafærni er einnig mjög mikilvæg og getur hjálpað börnum að vegna vel í lífinu. Allir geta verið leiðtogar ef þeir einungis fá tækifæri til þess, ásamt þjálfun og reynslu.

Skipulag: Námskeiðið er kennt í sex vikur, einu sinni í viku 2 klst í senn.

Ávinningur:
Að loknu námskeiði hafa börnin fengið þjálfun og fræðslu um samskipta-, vináttu-, félags- og leiðtogafærni. Það þýðir til dæmis að þau hafa lært ýmsar aðferðir við að eignast og halda vinum, sem og að takast á við ágreining og neikvæðar athugasemdir. Þau hafa einnig lært um mikilvægi samvinnu og umburðarlyndis, ásamt því að hafa lært hvernig þau geta verið jákvæðir leiðtogar í hópnum sínum, fjölskyldu og eigin lífi.

Sjáðu HÉR hvenær næsta opna námskeið er.