0

Starfsmenn

Anna Steinsen

Eigandi og þjálfari á námskeiðum



Anna Steinsen er með BA gráðu í tómstunda- og félagsmálafræði. Síðastliðin 16 ár hefur Anna sérhæft sig í þjálfun á námskeiðum fyrir ungt fólk. Hún hefur unnið til fjölda verðlauna sem þjálfari á alþjóðavettvangi. Hún starfar sem fyrirlesari, þjálfari á námskeiðum, stjórnendamarkþjálfi, heilsumarkþjálfi og jógakennari.  Þar á undan starfaði Anna í félagsmiðstöð sem tómstundaleiðbeinandi.   Anna er gift og á fjögur börn og hund.   

Anna Lilja Björnsdóttir

Þjálfari á námskeiðum



Anna Lilja er með  B.A. gráðu í tómstunda- og félagsmálafræðum frá Háskóla Íslands. Hún hefur mikla og fjölbreytta reynslu af vinnu með fólki á öllum aldri á hinum ýmsu sviðum. Þar af má nefna viðburða- og verkefnastjórnun, hópefli víðsvegar, þjálfun íþrótta til margra ára og félagsmiðstöðvarstarf. Þar að auki hefur hún hlotið verðlaun fyrir félagsstörf í sínu uppeldissveitafélagi. Aukin heldur hefur hún setið allskyns mannbætandi námskeið og fyrirlestra sem varða velferð fólks á öllum aldri.Anna Lilja er uppalinn Seltirningur, fædd árið 1993, en býr núna á Akranesi ásamt heitsveini sínum. Hún hefur alla tíð haft gaman að því að vera með og kynnast fólki og trúir því einlægt að allir séu flottir!

Elva Dögg Sigurðardóttir

Þjálfari á námskeiðum, Vináttuþjálfari


Elva Dögg er 23 ára Keflvíkingur og stundar nám við Tómstunda og félagsmálafræði við Háskóla Íslands. Elva Dögg hefur starfað mikið með börnum og ungu fólki. Hún starfaði í félagsmiðstöð í nokkur ár ásamt því að starfa einnig sem stuðningsfulltrúi í grunnskóla. Elva Dögg hefur töluverða reynslu af þjálfun í fimleikum og er mikil íþróttamanneskja.

Hera Sigurðardóttir

Þjálfari á námskeiðum, Vináttuþjálfari



Hera er með BA próf í mannfræði og mastersgráðu í hagnýtri menningarmiðlun frá Háskóla Ísland. Hún hefur starfað með börnum og unglingum frá því að hún fór á barnapíunámskeið Rauða Krossins árið 1991 en lengst af hefur hún starfað hjá Reykjavíkurborg í félagsmiðstöðum og ungmennahúsum. Hún stofnaði Íbúðina Ungmennahús ásamt ungu fólki úr Laugardalnum árið 2011 og byggði það starf á reynslunámi, gerendahæfni og ígrundun en hún hefur sótt sér menntun á því sviði hér heima sem og erlendis. Hún hefur starfað við kennslu í tómstunda- og félagsmálafræði í HÍ og á námskeiðum fyrir ungt fólk í atvinnuleit í Hinu Húsinu í samstarfi við Vinnumálastofnun. Hera hefur einnig dýpt litlu tánni í ferðamannabransann og komið að hótelrekstri í Flatey á Breiðafirði og á Hala í Suðursveit. Hera er mikið náttúrubarn, hannyrðakona og áhugamanneskja um sund og sjó.

Jakob Frímann Þorsteinsson

Eigandi og þjálfari á námskeiðum



Jakob er með MA gráðu frá Menntavísindasviði Háskóla Íslands í náms- og kennslufræðum og stundar doktorsnám.    Hann hefur starfað við Háskóla Íslands frá 2004 þar sem sérsvið hans er óformlegt og formlegt nám, tómstundafræði, forvarnir, útinám, útilíf og útivist. Starfið felst í kennslu, rannsóknum og þróun náms í tómstunda- og félagsmálafræði.   Starfsreynsla Jakobs fyrir utan HÍ hefur m.a. verið í félagsmiðstöðvum, Hinu Húsinu, Siglunesi og við stjórnun og stefnumótun, við kennslu í grunnskóla og sjálfstætt við símenntun og ýmis þróunar- og ráðgjafarverkefni.  Jakob, eða Kobbi eins og hann er kallaður, hefur verið virkur í félagsstarfi og  útivist m.a. í Skátum, Landsbjörgu, innan Ungmennahreyfingarinnar, í siglingaklúbb, hjá SÍL og í foreldrafélögum. Jakob er giftur og á þrjú börn.  

Jón Halldórsson

Framkvæmdastjóri og þjálfari á námskeiðum



Jón Halldórsson er menntaður íþróttakennari, lögreglumaður og er vottaður ACC markþjálfi. Hann starfar sem framkvæmdarstjóri KVAN, þjálfari á námskeiðum, stjórnendamarkþjálfi ásamt því að halda fyrirlestra. Jón hefur í fjölda ára starfað við að þjálfa einstaklinga, stjórnendur og starfsmenn fyrirtækja, einnig hefur hann haldið hundruði fyrirlestra með mismunandi efnistökum. Jón hefur unnið mikið með afreksíþróttafólki og aðstoðað það við að setja sér skýr markmið og með aðferðarfræði markþjálfunar skoðað hvaða þætttir eru líklegastir til að hjálpa viðkomandi einstakling að ná settu marki. Jón er giftur Önnu GuðrúnuSteinsen og á fjögur börn.  

Katrín Vignisdóttir

Þjálfari á námskeiðum



Katrín err með B.A. gráðu í tómstunda- og félagsmálafræði og stundar mastersnám í náms- og starfsráðgjöf við Háskóla Íslands. Hún hefur áralanga reynslu og sérstakan áhuga á að vinna með börnum og unglingum. Hún hefur starfað með fötluðum börnum og ungingum á skammtímavistun, sumarbúðum og í skipulögðu tómstudarstastarfi. Seinustu ár hefur hún starfað í félagsmiðstöð fyrir börn á aldrinum 12-15 ára og yfir sumartímann verið yfirflokksstjóri allra leikjanámskeiða á Seltjarnarnesi. Árið 2011 starfaði hún í sjálfboðavinnu í Indlandi og Kenya þar sem hún tók að sér ýmis verkefni með munaðarlaus börn.

Lilja Eivor Gunnarsdóttir Cederborg

Þjálfari á sumarnámskeiðum, Vináttuþjálfari


Lilja Eivor er nemandi í Háskóla Ísland á  öðru ári í tómstunda- og félagsmálafræði. Hún hefur starfað með börnum og unglingum í mörg ár, þá aðallega sem stuðningur fyrir börn með sérþarfir.  Hún hefur unnið með unglingum í leiklist, samskiptahæfni og við það að hjálpa þeim að stækka þægindarammann sinn. Lilja Eivor hefur mikinn áhuga á leiklist og lék í leikritinu Söngvaseið eða "Sound of music". Lilja Eivor er ein af þeim sem sér um sumarnámskeið KVAN sumarið 2018.

Sandra Björg Helgadóttir

Þjálfari á námskeiðum



Sandra er með BS gráðu í iðnaðarverkfræði frá Háskóla Íslands. Hún starfar í dag í markaðsdeild Ölgerðarinnar ásamt því að vera dansari og spinningkennari hjá World Class. Sandra hefur sótt sér þjálfun á mörgum námskeiðum og brennur fyrir að starfa með ungu fólki. Sandra hefur undanfarið ár þjálfað ungt fólk hjá KVAN með frábærum árangri. Sandra er 26 ára gömul  á kærasta (og kisu)

Vanda Sigurgeirsdóttir

Eigandi og þjálfari á námskeiðum



Vanda er með meistaragráðu í uppeldis- og menntunarfræði og leggur nú stund á doktorsnám þar sem viðfangsefnið er einelti. Vanda starfar nú sem lektor í tómstunda- og félagsmálafræði við menntavísindasvið Háskóla Íslands. Sérsvið hennar við Háskólann er einelti og tómstunda- og leiðtogafræði.  Vanda er frá Sauðárkróki, fædd 1965 en býr nú í Reykjavík ásamt eiginmanni sínum og þremur börnum. Vanda hefur allan sinn starfsferil starfað með börnum og fullorðnum að eineltis- og samskiptamálum. Þá hefur hún einnig starfað sem knattspyrnuþjálfari í um 30 ár.