Jón Halldórsson er einn af eigendum KVAN, vottaður ACC markþjálfi, menntaður íþróttakennari og fyrrverandi lögreglumaður. Hann starfar sem stjórnendamarkþjálfi, námskeiðsþjálfari og fyrirlesari með víðtæka reynslu af þjálfun einstaklinga, stjórnenda og teyma.
Jón hefur starfað í yfir tuttugu ár við þjálfun fyrirtækja, stofnana og einstaklinga á sviði leiðtogahæfni, teymisvinnu og við að efla vinnustaðamenningu innan fyrirtækja og stofnana. Hann hefur haldið hundruð fyrirlestra og vinnustofa þar sem áhersla er lögð á að efla styrkleika, bæta samskipti og styðja við markvissa árangursmenningu innan vinnustaða.
Hann hefur mikla reynslu af stjórnun og rekstri þeirra fyrirtækja sem hann hefur átt og starfað fyrir. Sú reynsla, ásamt yfirgripsmikilli reynslu í þjálfun fyrirtækja og stofnana, nýtist honum í dag í vinnu með stjórnendum og teymum sem vilja efla árangur, skýra stefnu og bæta frammistöðu starfsfólks.
Jón hefur jafnframt unnið náið með afreksíþróttafólki og íþróttateymum við markmiðasetningu, hugarfar og frammistöðuþjálfun.
Hann er giftur Önnu Guðrúnu Steinsen og saman eiga þau fjögur börn.
Jón er formaður Handknattleikssambands Íslands samhliða störfum sínum hjá KVAN.
Jón er mikill áhugamaður um veiði, golf og mótorhjól. Hann veit fátt skemmtilegra en að vera í góðra vina hóp og stunda áhugamál sín.