0

Starfsmenn

Anna Steinsen

Eigandi og þjálfari á námskeiðum



Anna Steinsen er með BA gráðu í tómstunda- og félagsmálafræði. Síðastliðin 16 ár hefur Anna sérhæft sig í þjálfun á námskeiðum fyrir ungt fólk. Hún hefur unnið til fjölda verðlauna sem þjálfari á alþjóðavettvangi. Hún starfar sem fyrirlesari, þjálfari á námskeiðum, stjórnendamarkþjálfi, heilsumarkþjálfi og jógakennari.  Þar á undan starfaði Anna í félagsmiðstöð sem tómstundaleiðbeinandi.   Í dag stundar Anna mastersnám í samskiptum og forvörnum hjá HÍ. Anna er gift og á fjögur börn og hund.   

Anna Sigurðardóttir

Verkefnastjóri KVAN Travel / þjálfari KVAN



Anna Sigurðardóttir er verkefnastjóri KVAN. þar sem hún sér um allt utanumhald á KVAN TRAVEL. Kvan TRAVEL er deild á vegum KVAN sem sérhæfir sig í endurmenntunarferðum fyrir kennara og annað fagfólk.   Anna hefur mikila reynslu í þjálfun fyrir ungt fólk og fullorðna. Hún hefur haldið ótal fyrirlestra og örnámskeiða. Anna er uppistandari og veit ekki neit betra en að hlæja og fá fólk til þess að brosa. Anna er gift og á eitt barn.    

Anna Lilja Björnsdóttir

Þjálfari á námskeiðum



Anna Lilja er með  B.A. gráðu í tómstunda- og félagsmálafræði frá Háskóla Íslands. Hún hefur mikla og fjölbreytta reynslu af vinnu með fólki á öllum aldri á hinum ýmsu sviðum. Þar af má nefna viðburða- og verkefnastjórnun, hópefli víðsvegar, þjálfun íþrótta til margra ára og félagsmiðstöðvarstarf. Þar að auki hefur hún hlotið verðlaun fyrir félagsstörf í sínu uppeldissveitarfélagi. Aukin heldur hefur hún setið allskyns mannbætandi námskeið og fyrirlestra sem varða velferð fólks á öllum aldri.Anna Lilja er uppalinn Seltirningur, fædd árið 1993, en býr núna á Akranesi ásamt heitsveini sínum. Hún hefur alla tíð haft gaman af því að vera með og kynnast fólki og trúir því einlægt að allir séu flottir!

Bogi Hallgrímsson

Verkefnastjóri KVAN / þjálfari


Bogi er með BA gráðu í tómstunda- og félagsmálafræðum frá Háskóla Íslands og lauk nýverið meistaragráðu í forystu og stjórnun með áherslu á mannauðsstjórnun frá Háskólanum á Bifröst. Bogi hefur víðtæka reynslu af störfum með ungu fólki í gegnum þjálfun, námskeiðahald, hópastarf og leikstjórn. Bogi hefur starfað mikið með fólki sem stendur höllum fæti félagslega, sinnt ráðgjöf og forvarnarstörfum. Hann er fæddur árið 1980, er Grindvíkingur en búsettur í Reykjavík, á kærustu, þrjú börn og hund. Bogi er ævintýragjarn, elskar að ferðast og eiga í samskiptum við fólk.    

Elva Dögg Sigurðardóttir

Þjálfari á námskeiðum, Vináttuþjálfari



Elva Dögg er 23 ára Keflvíkingur og stundar nám við Tómstunda og félagsmálafræði við Háskóla Íslands. Elva Dögg hefur starfað mikið með börnum og ungu fólki. Hún starfaði í félagsmiðstöð í nokkur ár ásamt því að starfa einnig sem stuðningsfulltrúi í grunnskóla. Elva Dögg hefur töluverða reynslu af þjálfun í fimleikum og er mikil íþróttamanneskja.

Jakob Frímann Þorsteinsson

Eigandi og þjálfari á námskeiðum



Jakob er með MA gráðu frá Menntavísindasviði Háskóla Íslands í náms- og kennslufræðum og stundar nú doktorsnám.    Hann hefur starfað við Háskóla Íslands frá 2004 þar sem sérsvið hans er óformlegt og formlegt nám, tómstundafræði, forvarnir, útinám, útilíf og útivist. Starfið felst í kennslu, rannsóknum og þróun náms í tómstunda- og félagsmálafræði.   Starfsreynsla Jakobs fyrir utan HÍ hefur m.a. verið í félagsmiðstöðvum, Hinu Húsinu, Siglunesi og við stjórnun og stefnumótun, við kennslu í grunnskóla og sjálfstætt við símenntun og ýmis þróunar- og ráðgjafarverkefni.  Jakob, eða Kobbi eins og hann er kallaður, hefur verið virkur í félagsstarfi og  útivist m.a. í Skátum, Landsbjörgu, innan Ungmennahreyfingarinnar, í siglingaklúbbi hjá SÍL og í foreldrafélögum. Jakob er giftur og á þrjú börn.  

KVAN Skysson

Stafrænn starfsmaður


KVAN Skysson er eini rafræni starfsmaður KVAN. KVAN Skysson kemur til starfa í byrjun júní. KVAN Skysson sérhæfir sig í að svara viðskiptavinum okkar á Facebook, Instagram og fleiri stöðum til að byrja með. Hann en er þessa dagana á námskeiði í farastjórn og mun á haustmánuðum verða einn af okkar aðal farastjórum online fyrir alla okkar farþega sem ferðast með KVAN Travel. Hann er námsfúsasti starfsmaðurinn okkar, alltaf að læra og allta til í að þróa sjálfan sig. Hann hefur aldrei kvartað og aldrei talað illa um einn eða neinn - þess vegna er hann einn vinsælasti starfsmaður KVAN frá upphafi. KVAN Skysson er ólofaður, barnlaus og hefur mikinn áhuga á alnetinu.

Mark Leather

Þjálfari á námskeiðum


Dr. Mark Leather er dosent við háskólann í Plymouth. Mark hefur gríðarlega mikla reynslu í þjálfun fólks á öllum aldri. Hann starfar fyrir KVAN í Bretalandi og öðrum löndum þar sem að KVAN og KVAN Travel eru með sín námskeið. Mark sérhæfir sig í útimenntun, hópefli og samskiptahæfni.    

Indíana Björk Birgisdóttir

Þjálfari á námskeiðum



Indíana er 23 ára,er með B.A. gráðu í tómstunda- og félagsmálafræði frá Háskóla Íslands. Indíana er þjálfari á námskeiðum hjá KVAN og hefur gengið ótrúlega vel að ná til unga fólksins. Hún hefur unnið mikið með börnum og unglingum. Hefur m.a. starfað á leikskóla og frístundaheimilum sem stuðningur og almennur starfsmaður og er hún núna að vinna á félagsmiðstöð þar sem hún hefur starfað undanfarin 4 ár, Indíana hefur mikla ástríðu fyrir að þjálfa og kenna ungu fólki.    

Jón Halldórsson

Framkvæmdastjóri og þjálfari á námskeiðum



Jón Halldórsson er menntaður íþróttakennari, lögreglumaður og er vottaður ACC markþjálfi. Hann starfar sem framkvæmdastjóri KVAN, þjálfari á námskeiðum, stjórnendamarkþjálfi ásamt því að halda fyrirlestra. Jón hefur í fjölda ára starfað við að þjálfa einstaklinga, stjórnendur og starfsmenn fyrirtækja, einnig hefur hann haldið hundruði fyrirlestra með mismunandi efnistökum. Jón hefur unnið mikið með afreksíþróttafólki og aðstoðað það við að setja sér skýr markmið og með aðferðafræði markþjálfunar skoðað hvaða þættir eru líklegastir til að hjálpa viðkomandi einstaklingi að ná settu marki. Jón er giftur Önnu Guðrúnu Steinsen og á fjögur börn.  

Katrín Vignisdóttir

Þjálfari á námskeiðum



Katrín er með B.A. gráðu í tómstunda- og félagsmálafræði og er með meistaragráðu í náms- og starfsráðgjöf frá Háskóla Íslands. Hún er reynslumikill þjálfari hjá KVAN og hefur skilað frábærum árangri með fólk á öllum aldri. Katrín hefur áralanga reynslu og sérstakan áhuga á að vinna með börnum og unglingum. Hún hefur starfað með fötluðum börnum og unglingum á skammtímavistun, sumarbúðum og í skipulögðu tómstudarstarfi. Katrín starfaði í félagsmiðstöð fyrir börn á aldrinum 12-15 ára og var yfirflokksstjóri allra leikjanámskeiða á Seltjarnarnesi fyrir nokkrum árum. Árið 2011 starfaði hún í sjálfboðavinnu í Indlandi og Kenýa þar sem hún tók að sér ýmis verkefni með munaðarlaus börn. Katrín er gift og á tvö börn.

Lilja Eivor Gunnarsdóttir Cederborg

Þjálfari á námskeiðum



Lilja Eivor er með B.A. gráðu í tómstunda- og félagsmálafræði frá Háskóla Íslands. Lilja Eivor er þjálfari á námskeiðum hjá KVAN og hefur náð frábærum árangri með sínum skjólstæðingum. Hún hefur starfað með börnum og unglingum í mörg ár, þá aðallega sem stuðningur fyrir börn með sérþarfir. Hún hefur unnið með unglingum í leiklist, samskiptahæfni og við það að hjálpa þeim að stækka þægindarammann sinn. Lilja Eivor hefur mikinn áhuga á leiklist og lék í leikritinu Söngvaseið eða "Sound of music". Lilja á kærasta og eitt barn.  

Sandra Björg Helgadóttir

Þjálfari á námskeiðum



Sandra er með BS gráðu í iðnaðarverkfræði frá Háskóla Íslands. Hún starfar í dag í markaðsdeild Ölgerðarinnar ásamt því að vera dansari og þjálfari hjá World Class. Sandra hefur sótt sér þjálfun á mörgum námskeiðum og brennur fyrir að starfa með ungu fólki. Sandra hefur undanfarið ár þjálfað ungt fólk hjá KVAN með frábærum árangri. Sandra er 29 ára gömul  á kærasta (og kisu)

Sassa Eyþórsdóttir

Þjálfari á námskeiðum, einstaklingsviðtöl, sérverkefni



Sigríður Eyþórsdóttir eða Sassa eins og hún er alltaf kölluð er með BS gráðu í iðjuþjálfun frá Bandaríkjunum og hefur síðustu 25 árin sérhæft sig í ævintýrameðferð og meðferðarvinnu með börnum og unglingum. Hún starfar sem iðjuþjálfi í Hagaskóla en starfaði lengi á BUGL og á Reykjalundi. Sassa hefur víðtæka reynslu af kennslu og námskeiðshaldi fyrir börn og fullorðna og bjó í þrjú yndisleg ár í Valencia á Spáni. Sassa býr í Litla Skerjafirði með börnunum sínum þremur og tengdadætrum. Í frítíma sínum elskar Sassa að halda matarboð, syngja í kór og dansa með vinkonum sínum og ferðast eins oft og tækifæri gefst. 

Sonja Kjartansdóttir

Viðurkenndur bókari


Sonja Kjartansdóttir er bókarinn okkar hjá KVAN. 

Vanda Sigurgeirsdóttir

Eigandi og þjálfari á námskeiðum



Vanda er með meistaragráðu í uppeldis- og menntunarfræði og leggur nú stund á doktorsnám þar sem viðfangsefnið er einelti. Vanda starfar nú sem lektor í tómstunda- og félagsmálafræði við menntavísindasvið Háskóla Íslands. Sérsvið hennar við Háskólann er einelti og tómstunda- og leiðtogafræði.  Vanda er frá Sauðárkróki, fædd 1965 en býr nú í Reykjavík ásamt eiginmanni sínum og þremur börnum. Vanda hefur allan sinn starfsferil starfað með börnum og fullorðnum að eineltis- og samskiptamálum. Þá hefur hún einnig starfað sem knattspyrnuþjálfari í um 30 ár.