KVAN fyrir Grindvíkinga – 10-12 ára

Við í KVAN vitum að Grindvíkingar eru sérfræðingar í eigin lífi. Þess vegna viljum við móta námskeiðin með ykkur – ekki bara fyrir ykkur. Megnið af efninu byggir á okkar traustu og margreyndu KVAN-námskeiðum, en við leggjum jafnframt áherslu á að hlusta eftir þörfum samfélagsins og laga námskeiðin að þeim. 

Hefst 2. nóvember, kennt á sunnudögum kl. 16:00-18:30

Skemmtilegt og uppbyggilegt námskeið sem aðstoðar þig við að takast á við aukinn hraða, álag, kröfur og þær félagslegu aðstæður sem ungt fólk stendur frammi fyrir í dag. Vilt þú verkfæri til að auka sjálfstraust þitt og hugrekki til að þora að standa á eigin skoðunum, bæta samskipti og leiðtogahæfni. Viltu læra aðferðir við að setja þér og öðrum mörk, t.d. þegar kemur að tölvunotkun, samfélagsmiðlum, vináttu og virðingu?

Fyrir hverja
KVAN fyrir 10-12 ára er fyrir alla unglinga sem eru í 5., 6. og 7. bekk í grunnskóla og hafa áhuga á því að efla sig í námi, íþróttum, tónlist eða almennt í lífinu.

Við minnum á að ef börn og unglingar notast við stuðningsaðila í skóla þá þurfi einnig að koma með stuðning á öll námskeið okkar fyrir ungt fólk.

Hvað get ég lært
Á námskeiði KVAN ættir þú að geta fundið aukinn kraft, meira jafnvægi og aukið sjálfstraust og trú á eigin getu. Þú getur orðið meðvitaðari um eigin heilsu, bæði andlega og líkamlega og lært aðferðir til að halda góðu jafnvægi í lífinu. Saman skoðum við þau áhrif sem samfélagsmiðlar geta haft á okkur og hvernig við getum forðast neikvæð áhrif samanburðar og fullkomnunaráráttu. Við kennum árangursríkar aðferðir í vináttuþjálfun, markmiðasetningu og hjálpum þér að finna út þína helstu styrkleika og hjálpum þér að læra og skilja hvernig þú getur nýtt þá. Með því að vinna út frá styrkleikum hvers og eins eykst sjálfstraustið og viðhorfið verður allt annað og betra. Við þjálfum þig í að tala fyrir framan hóp af fólki og kennum þér einfaldar og áhrifaríkar reglur í tjáningu. Við förum í gegnum samskiptin í okkar lífi og fáum tækifæri til þess að þróa leiðtogahæfni og laða fram það besta í okkur sjálfum sem og öðrum og bætum þannig árangur okkar. Að loknu námskeiði getur þú komið auga á þína eigin kosti. Með því að styrkja sjálfstraustið ertu meðvitaðari um eigin heilsu og hefur nú verkfæri til þess að láta ekki kvíða, álag eða streitu ná tökum á þér. Þú munt kunna leiðir til að sjá lausnir en ekki vandamál, geta sett þér mörk og hvernig á að vinna í hópum. Þú munt fá tækifæri til að vera besta útgáfan af sjálfum þér.

Skipulag
Námskeiðið er kennt í 6 skipti, 2,5 klst. í senn, einu sinni í viku. Þátttakendur fá handbók og fleiri verkfæri til að nota á námskeiðinu og við áframhaldandi vinnu. Námskeiðin fara fram í Reykjanesbæ í húsi Rauða Krossins, Smiðjuvöllum 9.

Þjálfari
Þjálfari á námskeiðinu er Þórdís Jakobsdóttir (Dísa). 

Verð
Námskeiðið er í boði fyrir Grindvíkinga án endurgjalds.