Vináttuþjálfun Íslenskrar ættleiðingar og KVAN, fyrir 7-9 ára

Dagsetning:

28. agúst 2021, 10:00 - 16. oktober 2021, - 12:00

Deila:
Bæta við í dagatal

Hefst 28. ágúst
Kennt á laugardögum kl. 10:00-12:00

Íslensk ættleiðing og KVAN bjóða í samstarfi upp á spennandi og vandað námskeið í vináttuþjálfun fyrir 7-9 ára börn (2.-4. bekk). Námskeiðið er sérlega gagnlegt fyrir þá sem vilja efla sjálfstraust sitt, sjálfsmynd og samskipti, þá sem eiga eða hafa átt í félagslegum vanda, eins og einangrun, vinaleysi, einelti eða höfnun.

Námskeiðið er sérhannað og skipulagt af KVAN en starfsmenn og stjórnendur fyrirtækisins hafa mikla menntun og áralanga reynslu í námskeiðahaldi fyrir ungt fólk til að ýta undir meira sjálfstraust, bætta vináttufærni, sjálfsmynd, leiðtogahæfileika og betri líðan barna og ungmenna.

Námskeiðið er uppbyggilegt og um leið skemmtilegt og eflir börn til að takast á við þær félagslegu aðstæður sem upp koma í lífi þeirra. Til þess að geta tekist á við daglegt líf er mjög mikilvægt að hafa góða samskipta-, félags- og vináttufærni en þessir þættir skipta sköpum þegar kemur að líðan og heilsu barna. Að lenda í vandræðum í jafningjasamskiptum getur haft í för með sér víðtækar og langvarandi neikvæðar afleiðingar. Því er mikilvægt fyrir öll börn að fá fræðslu og þjálfun í þessum færniþáttum. Leiðtogafærni er einnig mjög mikilvæg og getur hjálpað börnum að vegna vel í lífinu. Allir geta verið leiðtogar ef þeir einungis fá tækifæri til þess, ásamt þjálfun og reynslu.

Fyrir hverja
Vináttuþjálfun Íslenskrar ættleiðingar og KVAN er fyrir 7-9 ára börn (í 2.-4. bekk). Námskeiðið er sérlega gagnlegt fyrir þá sem eiga eða hafa átt í félagslegum vanda, eins og einangrun, vinaleysi, einelti og/eða höfnun.

Hvað get ég lært
Að loknu námskeiði hafa börnin fengið þjálfun og fræðslu um samskipta-, vináttu-, félags- og leiðtogafærni. Það þýðir til dæmis að þau hafa lært ýmsar aðferðir við að eignast og halda vinum, sem og að takast á við ágreining og neikvæðar athugasemdir. Þau hafa einnig lært um mikilvægi samvinnu og umburðarlyndis, ásamt því að hafa lært hvernig þau geta verið jákvæðir leiðtogar í hópnum sínum, fjölskyldu og eigin lífi. Börn í dag eru að takast á við ýmsar áskoranir í samskiptum, félagsfærni og vináttu og hægt er að undirbúa börn undir þessar og fleiri áskoranir. Þau munu svo sannarlega fá tækifæri til að blómstra og verða besta útgáfan af sjáflum sér á þessu námskeiði.

Skipulag
Námskeiðið er kennt á laugardögum frá klukkan 10:00-12:00, í 8 skipti, 2 klst. í senn, einu sinni í viku. Námskeiðið hefst þann 28. ágúst. Námskeiðið fer fram í sal okkar að Hábraut 1a, 200 Kópavogi.

Þar sem Íslensk ættleiðing niðurgreiðir hluta kostnaðar er námskeiðsgjaldið því 60.000 krónur á barn en almennt verð fyrir utanfélagsmenn er 88.000 kr. 

Pláss er fyrir 14 börn á námskeiðinu.